Beth yw CO2?
Mae carbon ynom i gyd. Yn aml, fe fydd atomau o garbon yn ymuno gydag atomau eraill er mwyn creu rhywbeth newydd. Mae un atom o garbon, a dau atom o ocsigen yn ymuno er mwyn creu carbon deuocsid, neu CO2.
Dros filiynau o flynyddoedd, mae anifeiliaid a phlanhigion marw yn cael eu cywasgu o dan gramen y ddaear a gwely'r môr. Maen nhw'n cael eu cywasgu dros gyfnodau hir o amser, o dan bwysedd ac mewn gwres, nes troi i mewn i danwydd ffosil - sydd yn llawn carbon.
Mae tanwydd ffosil yn cynnwys glo, olew a nwy, ac mae'n rhaid tyllu'n bell o dan y ddaear, neu wely'r môr, i nôl y tanwyddau hyn.
| Pan mae'r tanwyddau hyn yn cael eu llosgi, boed yn ein boeleri, yn ein tanau agored, yn ein ceir, neu mewn pwerdai i gynhyrchu trydan, mae'r carbon yn ymuno ag ocsigen i greu carbon deuocsid. Felly, wrth losgi tanwydd ffosil, rydym yn rhyddhau carbon deuocsid i'r atmosffer. |
|
Tudalen Nesaf - Sut mae mesur CO2?